TNPSC Group 5A தேர்வு என்ன பதவிகளுக்கு நடத்தப்படுகிறது? - முழு விவரம்

 

TNPSC (PSC – Public Service Commission) மிகவும் பிரபலமானது. ஏனென்றால், தமிழக அரசு வேலைக்கு முயற்சிக்கும் அனைவரும் TNPSC தேர்வில் தேர்ச்சிபெற்ற வேண்டும். குரூப் 5A தேர்வு பற்றிய உங்கள் கேள்விகளுக்கான பதில்களை இங்கே குறிப்பிட்டுளோம்.

டிஎன்பிஎஸ்சி குரூப் – 5 தேர்வு என்பது என்ன?

தமிழக அரசு சார்த்த பணிகளுக்கு தகுதியானவர்களை தேர்ந்தெடுக்க தமிழ்நாடு அரசுப் பணியாளர் தேர்வாணையம் (TNPSC) நடத்தும் போட்டி தேர்வுகளில் ஒன்று TNPSC குரூப் 5A தேர்வு ஆகும்.

TNPSC குரூப் 5A தேர்வுக்கான பதவி என்ன?

குரூப் 5 தேர்வு செயலக உதவிப் பிரிவு அலுவலர் (Assistant Section Officer in Secretariat) பதவிக்காக நடத்தப்படுகிறது. சட்டம் மற்றும் நிதித்துறை தவிர மற்ற துறைகளில் பணியமர்த்தப்படுவார்கள்.

குரூப் 5 தேர்வுக்கான வயது வரம்பு என்ன?

குரூப் 5 தேர்வுக்கு விண்ணப்பிக்கும் விண்ணப்பதாரர்களின் அதிகபட்ச வயது 40 வயதுக்கு மிகாமல் இருக்க வேண்டும். அரசு விதிகளின்படி, சிறப்பு பிரிவினருக்கு வயது வரம்பில் தளர்வும் வழங்கப்படும்.

குரூப் - 5A தேர்வு தகுதி என்ன?

TNPSC குரூப் 5 தேர்வுக்கு விண்ணப்பிப்பவர்கள் இளங்கலை பட்டம் பெற்றிருக்க வேண்டும். அத்துடன், ஜூனியர் அசிஸ்டென்ட் அல்லது அசிஸ்டெண்ட் அல்லது இரண்டு பதவிகளையும் சேர்த்து ஐந்து ஆண்டுகள் அனுபவம் [பெற்றிருக்க வேண்டும். நீதித்துறைக்கு விண்ணப்பிப்பவர்கள், வணிகம் அல்லது பொருளாதாரம் அல்லது புள்ளியியல் ஆகியவற்றில் இளங்கலை பட்டம் பெற்றிருக்க வேண்டும்.

குரூப் - 5 தேர்வுமுறை என்ன?

குரூப் - 5A பதவிகளுக்கு எழுத்துத் தேர்வு மற்றும் ஆவணங்கள் சரிபார்ப்பு மூலம் விண்ணப்பதாரர்கள் தேர்வு செய்யப்படுவார்கள். குரூப் - 5 தேர்வு பொதுத் தமிழ் மற்றும் பொது ஆங்கிலம் இரண்டு தாள்களை கொண்டிருக்கும். தாள் – I 100 மதிப்பெண்களுக்கும், தாள் II -க்கு 100 மதிப்பெண்கள் என மொத்தம் 200 மதிப்பெண்களுக்கு நடத்தப்படும். தேர்வு 3 மணி நேரம் நடைபெறும். இதில் குறைந்தபட்சம் 60 மதிப்பெண்கள் பெற்றால் தேர்ச்சி பெற்றதாக கருதப்படும்.

குரூப் 5-க்கான பாடத்திட்டம்

அலகு 1 -யில் கட்டுரை எழுதும் திறன். அலகு 2 - வினாக்களுக்குத் தெளிவான, சரியான, சுருக்கமாக விடையளித்தல். அலகு 3 - விரிவான குறிப்பை சுருக்கி எழுதும் திறன். அலகு 4 - சுருக்கக் குறிப்புகளிலிருந்து விரிவாக்கம். அலகு 5 - ஆங்கிலப் பகுதியைத் தமிழில் மொழிபெயர்த்தல். அலகு 6 - அறிக்கை எழுதும் திறன். அலகு 7 - மொழித்திறன் கண்டறிதல் - அ) வாக்கியத்தில் அமைத்து எழுதுதல், ஆ) இணைச்சொற்களைப் பயன்படுத்தி ஒரே தொடரமைத்தல், இ) அகர வரிசைப்படுத்துதல், ஈ) பிழை நீக்கி எழுதுதல், உ) கலைச் சொல்லாக்கம்.

குரூப் 5 தேர்வுக்கு தயாராக என்ன புத்தகங்கள் படிக்கலாம்?

குரூப் 5 தேர்வுக்கு தயாராக 6 ஆம் வகுப்பு முதல் 12 ஆம் வகுப்பு வரையிலான சமச்சீர் கல்வி புத்தகங்களே 95% போதுமானது. அத்துடன், கடந்த ஆண்டு வினாத்தாள்கள் மற்றும் மாடல் வினாத்தாள்களை பார்வையிடுவது நல்லது.

TNPSC குரூப் 5 தேர்வை தமிழில் எழுதலாமா?

குரூப் 5 தேர்வை இரண்டு மொழிகளிலும் எழுத வேண்டும். எனவே, ஏதாவது ஒரு மொழியை மட்டும் தேர்வு செய்து எழுத இயலாது.

குரூப் 5 தேர்வுக்கு விண்ணப்பக்கட்டணம் எவ்வளவு?

TNPSC தேர்வுக்கு விண்ணப்பிக்கும் அனைத்து விண்ணப்பதாரர்களுக்கும் ஒரு முறை பதிவு கட்டணம் ரூ. 150 செலுத்த வேண்டும். ஏற்கனவே பதிவு செய்துள்ள விண்ணப்பதாரர்கள் மீண்டும் பதிவு செய்யத் தேவையில்லை. இதுபோக, குரூப் 5 தேர்வுக்கு ரூ.100 தேர்வு கட்டணமாக செலுத்த வேண்டும்.

குரூப் 5 பதவிக்கான சம்பளம்?

உதவி பிரிவு அலுவலர் பதவிக்கு ஊதிய நிலை 16-யின் கீழ் ரூ.36400 முதல் ரூ. 134200 வரை மாத சம்பளம் வழங்கப்படும். உதவியாளர் பதவிக்கு ஊதிய நிலை 9-யின் கீழ் ரூ.20000முதல் ரூ. 73700 வரை மாத சம்பளம் வழங்கப்படும்.

குரூப் - 5 தேர்வுக்கு விண்ணப்பிக்க என்னென்ன ஆவணங்கள் தேவை?

SSLC, HSC, பட்டப்படிப்பு சான்றிதழ்களின் ஸ்கேன் செய்யப்பட்ட நகல். ஆதார் அட்டை அல்லது அரசால் வழங்கப்பட்ட ஏதாவது ஆவணம். ஸ்கேன் செய்யப்பட்ட புகைப்படம் (அகலம்: 3.5 செ.மீ, உயரம்: 4.5 செ.மீ, 50 KB-க்கு மேல் இருக்க கூடாது). ஊனமுற்றோர் சான்றிதழ் (ஏதேனும் இருந்தால்). ஸ்கேன் செய்யப்பட்ட கையொப்பம் (அகலம்: 6 செ.மீ, உயரம்: 3 செ.மீ, 50 KB க்கு மேல் இருக்க கூடாது) . உடல் தகுதி சான்றிதழ் (தேவைப்பட்டால்).

குரூப் 5A தேர்வுக்கு எப்படி விண்ணப்பிப்பது? 

குரூப் 5A தேர்வுக்கு விண்ணப்பிக்க முதலில், TNPSC-யின் அதிகாரப்பூர்வ இணையதளமான tnpscexams.in க்குச் செல்லவும். பின்னர், TNPSC ஒரு முறை பதிவு உள்நுழைவு விவரங்களை உள்ளிட்டு, உள்நுழையவும். இதையடுத்து, குரூப் 5A தேர்வுக்கான விண்ணப்படிவத்தை திறந்து தேவையான விவரங்களை உள்ளிடவும். பின்னர் தேவையான ஆவணங்களை இணைத்து, விண்ணப்பக் கட்டணம் செலுத்தி விண்ணப்பத்தை சமர்ப்பிக்கவும்.